Mandriolo nella rete

Unità pastorale di Mandrio, Mandriolo e San Martino (Vicariato III - Correggio, RE)

  • Increase font size
  • Default font size
  • Decrease font size
Home Poeti Fernando Foroni (Ferro) «Al consumisom interior»

«Al consumisom interior»

E-mail Stampa

“La pagina di FERRO”

«Al consumisom interior

Nadel al sta per arriver,
as duvrem fermer a penser,
invici agom pressia anc piò ed chieter mes
d’ander a fer la fila in dal buteghi di paes.
Cun ste gran consumisom e ste gran benesser
a curom, a curom e as manca po al teimp, al teimp ed rifletter!
Al consumisom esterior
ag va dre al consumisom’ interior,
l’omen moderen al g’ha pein al frigo e la canteina,
però sempr’ al cor a tor na quelc etra bagatleina;
tra al buleti da pagher, j acquest da fer
al cata apeina apeina al teimp ed saluter.

Programmè cume un treno espress
al cunsoma tanti cosi, ma anc un po’ ed se stess!
Al cunsoma dal teimp, dagli energei, dagli attensioun
per cosi che dop i van a finir indi bidoun!
L’è al cunsom interior ed l’omen moderen,
cl’è semper meno atteint al so destino eteren;
e semper piò al dveinta dipendeint
d’un consumisum nevrotic e prepoteint;
pensè per eseimpi che ag toca strulgher come un deficint
per sceglier di regaj per persouni ch’ag manca gnint!
L’omen moderen al g’ha tot piò al soprapiò dal soprapiò
e dounca l’è semper piò distant dal model ed Gesò.
Gesò bambein in na grota al se sistemè,
cume a faress l’ultim ed d’immigré!
Capess cl’è un model dimondi dimondi elevè,
mo seins’ eter nueter ajom un po’ esagerè.
Ann’ un voi mia dilungher in ’na predicasioun.
e a las tirer a ueter al vostri conclusioun,
mo a deg sol che ann’è mia giost rendr’al Nadel trop sciasos,
per dop magari sarer al porti ai bisognos!
Cercom alora ed paser un Nadel un po’ in sobrieté
e sopratott cun piò umanité e carité.»

di Fernando Foroni

Per il Natale 1999.

 

Aggiungi un commento

Il tuo nome:
Indirizzo email:
Commento: